Þver flutningabíll lokaði veginum um Fagradal
Vegurinn um Fagradal var lokaður í rúman klukkutíma í morgun eftir að flutningabíll fór þversum í Grænafelli.Veginum var lokað um klukkan hálf níu í morgun en opnaður að nýju rétt fyrir tíu. Töluverð umferð var þá um dalinn.
Veginum þar yfir var lokað um kvöldmatarleytið í gær vegna óveðurs en afar blint var á leiðinni. Þar fór einn bíll út af.
Þá voru björgunarsveitir kallaðar út á Fjarðarheiði í gærkvöldi vegna bíla sem voru í vanda.
Lokað er yfir Öxi og ófært á Breiðdalsheiði. Vegagerðin varar vegfarendur á Háreksstaðaleið við hreindýrahópi sem þar er á ferðinni.
