Um borð í nýjum Aðalsteini Jónssyni – Myndir
Nýr Aðalsteinn Jónsson kom til hafnar á Eskifirði á mánudag. Það er stærsta fiskiskip Íslendinga.
Skipverjar hafa í vikunni verið að gera skipið klárt til síldveiða.
Skipið er keypt frá Noregi og var smíðað árið 2004 í Fitjar Mek Verksted. Það er hannað af Wärtsila í Finnlandi og aðalvélar skipsins eru frá því fyrirtæki.
Það er ekki bara hannað sem fiskveiðiskip heldur einnig rannsóknarskip. Rúm er um borð fyrir 30 manns og í því er rafdrifin skrúfa sem gengur undir skipið og það getur knúið sig áfram á en það hentar einkum við að halda kyrru fyrir á afmörkuðum stað við rannsóknir.
Skipið er 94 metra langt, 17,6 metrar að breidd og ber 2300 rúmmetra. Það á að nýtast Eskju vel til að afla hráefnis í nýtt uppsjávarfrystihús sem verið er að reisa auk þess sem það hentar vel til kolmunnaveiða.
Austurfrétt skrapp um borð í vikunni.