Umferð hvergi aukist jafn mikið og á Austurlandi
Umferð á Þjóðvegi 1 hefur hvergi aukist meira hlutfallslega en á Austurlandi síðustu mánuði miðað við síðasta ár.
Þetta kemur fram í skammtímavísum frá Hagstofu Íslands en þar vísað í mælingar Vegagerðarinnar.
Jókst umferðin á Þjóðvegi 1 (Hringvegurinn) í fjórðungnum um heil 83 prósent milli ára í septembermánuði einum saman. Umferðaraukningin einnig hlutfallslega mest á landsvísu hér þegar ágúst og september eru teknir saman en 17 prósent fleiri bílar voru á ferð á þjóðveginum Austanlands þetta árið en 2020.
Hagstofan tiltekur engar ástæður fyrir stóraukinni umferð en leiða má líkum að því að þær séu annars vegar almennt meiri straumur erlendra ferðamanna en í fyrra en ekki síður innlendra ferðamanna sem sóttu í stórkostlegt veðrið austanlands.