Útlit fyrir góða rjúpnaveiði
Rjúpnaveiðtímabilið hófst 1. nóvember og stendur út mánuðinn. Á vef umhverfsstofnunar kemur fram að veiðdögum hefur verið fjölgað í 22, veiða má alla daga vikunnar nema miðvikudaga og fimmtudaga.Veiðin á Austur- og Norðausturlandi fór þokkalega af stað, samkvæmt þeim rjúpnaskyttum sem Austurglugginn náði tali af eftir helgina. Vel viðraði á föstudaginn, en síður á laugardag og sunnudag og aðstæður þá betri fyrir rjúpuna en skytturnar, þoka í Jökulsárhlíð og á heiðum, en úrkoma niðri á fjörðum. Snjóalög eru einnig þannig á sumstaðar að erfitt er að finna hvar rjúpan heldur sig. Flestir sem gengu til rjúpna fengu þó í matinn fyrir sig og sína og sumir gott betur.
Í Austurglugganum, sem kemur út á morgun, fimmtudag, er rætt stuttlega við Sævar Guðjónsson, ferðaþjónustubónda á Mjóeyri í Eskifirði, sem hefur gengið til rjúpna frá því hann var 8 ára gamall, fyrst óvopnaður með eldri bræðrum sínum, en 13 ára gerðist hann fullgildur veiðimaður og hefur verið það síðan.
Umhverfisstofnun hvetur veiðimenn til að gæta hófs í veiðum eins og undanfarin ár og endurnýja veiðkortin áður en þeir ganga til rjúpna. Nánari upplýsingar um reglur og viðmið fyrir rjúpnaveiði má finna á www.umhverfisstofnun.is.
