Varað við grunsamlegum mannaferðum í Neskaupstað
Lögreglan á Austurlandi sendi fyrir stundu frá sér tilkynningu þar sem varað var við grunsamlegum mannaferðum í bænum.Þar segir að borist hafi ábending um einstakling að banka á dyr í Neskaupstað. Atferli einstaklingsins sé í samræmi við lýsingar víðs vegar á landinu þar sem farið hefur verið inn í mannlaus og ólæst hús og stolið þaðan verðmætum.
Lögreglan biðlar því til íbúa að hafa augun hjá sér og láta strax vita ef vart verður við grunsamlegar mannaferðir.
