Veður og viðhald hafa tafið innanlandsflug
Talsverðar tafir hafa verið á flugi Icelandair milli Reykjavíkur og Egilsstaða undanfarna viku. Veðurskilyrði og viðhald hafa til skiptis skapað vandræði.Síðast í morgun var klukkustundar seinkunn á morgunvélinni í Egilsstaði. Seinkunin átti uppruna sinn í því að ekki var tiltæk vél vegna reglubundins viðhalds, samkvæmt svari Icelandair við fyrirspurn Austurfréttar.
Sama staða var uppi fimmtudaginn í síðustu viku er morgunflugið kom tveimur tímum seinna í Egilsstaði en áætlun sagði til um. Sama vélin flaug sinnti þann morgunn bæði flugi til Egilsstaða og Akureyrar. Flogið var fyrst norður og var sú ferð á áætlun.
Á miðvikudagsmorgunn urðu einnig miklar tafir en það var vegna veðurs. Vandamálið var samt að vél sem var að koma frá Akureyri þurfti að lenda í Keflavík vegna þoku og bíða þar um stund áður en hún gat farið aftur til Reykjavíkur og sótt farþegana sem áttu að fara í Egilsstaði.
Seinni part föstudags voru tvær ferðir felldar niður vegna ísingar.
Þar með var komin af stað keðjuverkun. Á laugardag þurfti vél Icelandair fyrst að fljúga til Akureyrar áður en hún hóf að fljúga með farþega til Egilsstaða. Flugið norður var á áætlun, samkvæmt upplýsingum úr grunni Flightradar24.
