Vopnafjörður: Sex atkvæðum munaði á Framsókn og Betra Sigtúni
Sex atkvæði skildu að B-lista Framsóknarflokks og Ð-lista Betra Sigtúns á Vopnafirði. Úrslitin eru áþekk og fyrir fjórum árum.Fjórtán atkvæði skildu að B og Ð lista fyrir fjórum árum en færri eru á kjörskrá nú. Munurinn dugir þó til þess að B listi fær þrjá fulltrúa en Betra Sigtún tvo líkt og síðast.
Samfylkingin býður í fyrsta sinn fram lista á Vopnafirði og fær tvo fulltrúa. Fyrir fjórum árum var K-listi félagshyggju þriðja framboðið.
Fylgi Framsóknarflokksins lækkar um 1,5 prósentustig. Samfylkingin fær einu prósentustigi meira en K-listinn fékk og Betra Sigtún hálfu stigi meira.
Framsóknarflokkur og Betra Sigtún hafa starfað saman í meirihluta frá í byrjun desember.
Framsóknarflokkurinn: 156 atkvæði, 37,3%, 3 fulltrúar
Samfylkingin: 112 atkvæði, 26,7%, 2 fulltrúar
Betra Sigtún: 150 atkvæði, 35,9%, 2 fulltrúar
Á kjörskrá voru 497, atkvæði greiddu 429. Kjörsókn var því 86,3%, 1,5 prósentustigi lægra en fyrir fjórum árum.
Auðir seðlar 10
Ógildir: 1
Bæjarfulltrúar
Framsóknarflokkurinn
Sigríður Bragadóttir
Bárður Jónasson
Axel Örn Sveinbjörnsson
Samfylkingin
Bjartur Aðalbjörnsson
Björn Heiðar Sigurbjörnsson
Betra Sigtún
Stefán Grímur Rafnsson
Íris Grímsdóttir