Matvælavinnsla í Mjólkurstöðinni?
Nokkrir aðilar á Austurlandi hafa verið að skoða möguleika á að fá til afnota hluta af húsnæði í Mjólkurstöðinni á Egilsstöðum og koma þar upp viðurkenndri aðstöðu til vinnslu á ýmiss konar matvælum sem einstaklingar og/eða fyrirtæki gætu fengið tímabundin afnot af gegn sanngjarnri leigu.
Á vef Þróunarfélags Austurlands segir að þetta gæti komið sér vel fyrir minni aðila sem eru t.a.m. í heimavinnslu afurða því þá þarf ekki hver og einn að leggja í kostnað við að koma upp eigin aðstöðu. Þetta verkefni tengist að mörgu leyti nýstofnuðum félagsskap - Austfirskum krásum – og hefur tekist samstarf með þessum aðilum.
Grundvöllur að því að farið verði út í þetta er að geta gert sér grein fyrir hver þörfin er á svæðinu fyrir slíka aðstöðu. Því vilja Austfirskar krásir með þessari könnun vinsamlegast biðja áhugasama að gera sem best grein fyrir áhuga sínum og hugmyndum um notkun á aðstöðu sem þessari og aðstoða þannig við mótun þessa verkefnis.
Upplýsingar þessar er hvergi hægt að rekja á einn eða annan hátt til þátttakenda í könnuninni. Könnunin tekur 2 – 3 mínútur.
Könnunin: www.esurveyspro.com/Survey.aspx?id=a1fda7b1-7427-482b-99ff-3d61c97155d4
