Nýr formaður Hattar
Formannsskipti hafa orðið hjá íþróttafélaginu Hetti. Davíð Þór Sigurðarson tók í lok apríl við starfinu af Helga Sigurðssyni tannlækni, sem farið hefur fyrir félaginu undanfarin ár. Davíð Þór er 26 ára gamall, viðskiptafræðingur og starfar sem sérfræðingur í fjármálateymi fyrir steypuskála Alcoa Fjarðaáls. Hann er fæddur á Egilsstöðum, uppalinn á Seyðisfirði og lék lengi knattspyrnu með Huginn. Hann er búsettur á Egilsstöðum og kvæntur Eddu Ósk Gísladóttur. Þau eiga son á öðru ári. Davíð Þór sat áður í stjórn Hattar í eitt ár.
