Ullarverð hækkar um 8 prósent

Lífið •

This email address is being protected from spambots. You need JavaScript enabled to view it.

• Fyrst birt 29. okt 2009 13:18 • Uppfært 08. jan 2016 19:20

Skrifað var undir nýtt samkomulag um ullarviðskipti í gær. Samkvæmt því hækkar ullarverð til bænda um 8% frá og með 1. nóvember nk. Ullarverð hækkaði síðast þann 1. nóvember 2008 og frá þeim tíma hefur vísitala neysluverðs hækkað um 9,7% þannig að hækkunin nú vegur ekki upp almennar verðhækkanir.

Rekstur Ístex hefur gengið vel á árinu og fyrirtækið fjórfaldar hlut sinn í ullarverðinu á milli ára. Það breytti þó forsendum að miklu meira magn ullar barst til Ístex á liðnum vetri heldur en fyrri samningur gerði ráð fyrir eða 717 tonn í stað 640. Þar sem greiðslur vegna ullarnýtingar í sauðfjársamningi eru föst fjárhæð en ekki magntengd, hefur það áhrif á verðlagninguna nú.

Verð einstakra flokka verða sem hér segir:
Miðað er við verð pr. kíló af hreinni ull.

Lambsull: 648 kr./kg
H-1: 588 kr./kg
H-2, M-1-S, M-1-G og M-1-M: 527 kr./kg
M-2: 46 kr./kg

Matsgjald til bænda verður 22 kr./kg

Greiðslum til bænda verður flýtt frá því sem var í fyrra samningi og fyrirkomulag þeirra er eftirfarandi:
Fyrri greiðsla - 70% af heildarverðmæti
Ull sem skráð er í nóvember 2009 verði greidd 31. janúar 2010.
Ull sem skráð er í desember 2009 og janúar 2010 verði greidd 28. febrúar 2010.
Eftir þann tíma verði greitt í lok næsta mánaðar eftir skráningarmánuð.

Seinni greiðsla - 30% af heildarverðmæti
Ull sem skráð er fyrir 1. júlí 2010 verði greidd að fullu fyrir 1. september 2010.

Ullarverð hækkar um 8 prósent

Síðustu fréttir