Grasrót Framsóknar á Austurlandi vill Sigmund Davíð sem leiðtoga
Framsóknarmenn á Austurlandi skora á Sigmund Davíð Gunnlaugsson, skipulagshagfræðing og fyrrverandi fréttamann, að gefa kost á sér sem leiðtoga Framsóknarmanna.
Allar fréttir
Ljóð Páls Ólafssonar í öndvegi hjá íslenskum bóksölum
Mest selda ljóðabók ársins Eg skal kveða um eina þig, alla mína daga, hefur verið valin besta íslenska ljóðabókin 2008 af starfsfólki bókaverslana. Þórarinn Hjartarson tók saman ástarljóð Páls Ólafssonar og er þetta í fyrsta sinn sem þeim er öllum safnað í eina bók og birtur fjöldi kvæða og vísna sem ekki hafa áður sést á prenti.
Þetta er í níunda skipti sem verðlaunin eru veitt af Félagi starfsfólks bókaverslana og taka bóksalar hvaðanæva af landinu þátt í kjörinu. Verðlaunin eru veitt í sjö flokkum.
Trakteringar fyrir sundgesti í Neskaupstað
Starfsfólkið í sundlauginni á Norðfirði bíður nú eftir því að bjóða 40 þúsundasta gestinn á árinu 2008 velkomin í sund. 40 þúsundasti gesturinn fær frítt árskort í sund og líkamsrækt og gestur númer 39.999 fær frítt í sund árið 2009. Sundlaugin og líkamsræktin er opin allt árið og þar er virkilega góð aðstaða fyrir unga sem aldna til þess að rækta líkama og sál. Allir í sund á Norðfirði.Til baka
Austfirðingurinn Helgi Guðmundsson hefur sent frá sér nýja bók; Til baka. Hún fjallar á gamansaman, en jafnframt grafalvarlegan hátt, um nöturlega lífsreynslu sem höfundur lendir í á sjúkrahúsi er hann gengst undir smávægilega aðgerð en hafnar fyrir mistök læknis í langvarandi lífshættu.
Sjálfboðaliðastarf starfsmanna Fjarðaáls skilar þremur milljónum til félagasamtaka á Austurlandi
Austfirskt karnival, Listasmiðja Norðfjarðar, Tengslanet austfirskra kvenna, Slysavarnadeildin Hafdís og Björgunarsveitirnar Gerpir, Ársól, Hérað og Bára voru meðal þeirra sem í gær fengu afhenta styrki frá Alcoa til samfélagsmála á Austurlandi. Erna Indriðadóttir, framkvæmdastjóri samfélags- og upplýsingamála Alcoa á Íslandi afhenti styrkina í jólahlaðborði starfsmanna álversins í hádeginu í gær.
Æfðu blak í náttfötunum
Þóra Elísabet Valgeirsdóttir sendi vefnum þessa fallegu mynd af börnum í Þrótti Neskaupstað. Þau voru að æfa blak á síðustu æfingu fyrir jól í náttfötunum í vikunni. Nú eru þau öll komin í jólafrí og undirbúningur hátíðarinnar í algleymingi.
Flottir krakkar!
Starfsmannaleiga dæmd til að greiða tólf Lettum vangoldin laun
Starfsmannaleigan Nordic Construction Line (NCL) í Lettlandi, sem er í eigu sömu manna og GT verktakar í Hafnarfirði, var í Héraðsdómi Austurlands í gær dæmd til að greiða tólf lettneskum verkamönnum vangoldin laun. Þeir höfðu unnið við Hraunaveitu Kárahnjúkavirkjunar. Nema greiðslur rúmum þremur milljónum króna og eru vegna launa á uppsagnarfresti og annarra vangoldinna launa.
