SAMGÖNG
5. Stjórnarfundur 2005 – 2006.
Föstudaginn 04. nóvember 2005 kl 17:00 á Hótel Héraði
Mættir: Guðrún Katrín Árnadóttir,
Jónas Hallgrímsson,
Jörundur Ragnarsson,
Kristinn V. Jóhannsson,
Sigfús Vílhjálmsson,
Sveinn Jónsson
Sveinn Sigurbjarnarson hafði boðað forföll.
Formaður stýrði fundi og gekk til dagskrár.
1. Ráðstefna um veggöng á Mið-Austurlandi
Ráðstefnan er nýafstaðin og stjórnarmenn á einu máli að vel hafi til tekist. Alls mættu um 70 manns og var það húsfyllir. Ríkti mikil bjartsýni nema í orðum vegamálastjóra sem taldi eðlilegast að ljúka uppbyggingu vega og lagningu bundins slitlags áður en ráðist yrði í næstu göng.
Ráðstefnan samþykkti ályktun sem er svohljóðandi:
Formaður sér um að koma ályktuninni til fjölmiðla.
2. Önnur mál
Formaður boðar bráðlega til næsta fundar.
Fleira ekki.
Fundi slitið 17:20
Sveinn Jónsson ritaði
Stjórnarfundur14.02. 2005. búið
Haldinn í fundarsal Þróunarstofu Austurlands, Miðvangi 2-4, Egilsstöðum
Mættir:
Guðrún Katrín Árnadóttir
Sigfús Vílhjálmsson
Jónas Hallgrímsson
Jörundur Ragnarsson
Sveinn Sigurbjarnarson
Sveinn Jónsson
Guðrún Katrín bauð menn velkomna og gekk til dagskrár.
1. Fundur með stjórnmálamönnum
Stjórnin sammála um að stefnt skuli að fundi með þingmönnum og sveitastjórnarmönnum hér eystra eða fyrir sunnan hið fyrsta. Fyrir hönd stjórnar SAMGÖNG var Jónasi falið að koma á fundi með þessum aðilum sem fyrst..
2. Samfélagsleg úttekt
Formanni falið að fylgja því eftir hið fyrsta, að sveitarstjórnir Seyðisfjarðar, Fjarðabyggðar og Fljótsdalshéraðs stuðli að og standi fjárhagslega ábyrgar að gerð umræddrar samfélagskönnunar á vegum Háskólans á Akureyri.
3. Samgönguráðstefna
Þróunarstofa er að undirbúa ráðstefnu um samgöngumál og jarðgöng öðru fremur með aðkomu yfirmanna samgöngumála og atvinnulífs. Væntanlega í lok apríl. Samgögn munu koma að undirbúningi.
4. Undirskriftasöfnun
Frekari úrvinnslu undirskriftasöfnunar er frestað að sinni.
5. Önnur mál
Jörundur og Sveinn J skipta með sér fjáröflun á Héraði eftir því sem áður hefur verið listað. Sveinn S og Guðrún enn að vinna í sínum hluta listans.
Fleira ekki, fundargerð lesin og samþykkt.
Fundi slitið 18:10
Sveinn Jónsson ritaði
Stjórnarfundur 27.11.2004.
kl 16:50 að afloknum aðalfundi á Hótel Héraði.
Mættir:
Guðrún Katrín Árnadóttir
Kristinn V. Jóhannsson
Sigfús Vilhjálmsson
Sveinn Jónsson
1.Aldursforseti setti fundinn
Aldursforseti, Kristinn, setti fund og gerði tillögu um að Guðrún yrði áfram formaður – samþ.
Guðrún tók við stjórn og gerði tillögu um Kristinn sem varaformann – samþ. og að Sveinn yrði ritari - samþ.
2. Símafundur
Samþykkt að hafa símafund stjórnar á næstunni og helst áður en fundað yrði með fulltrúa Byggðastofnunar og Alcoa í næstu viku.
3. Ferð í Kárahnjúka
Fyrirhugað er að stjórnin fari í Kárahnjúka til að skoða heilborun hjá Impregilo laugardaginn 11. desember n.k. Sigurður Gunnarsson starfsmaður þeirra annast unirbúning í samráði við fulltrúa Landsvirkjunar.
Fleira ekki og fundi slitið 17:10
Sveinn Jónsson ritaði
SAMGÖNG
4. Stjórnarfundur 2005 – 2006.
Mánudaginn 31. október 2005 kl 18:00 í síma
Mættir: Guðrún Katrín Árnadóttir,
Jónas Hallgrímsson,
Jörundur Ragnarsson,
Kristinn V. Jóhannsson,
Sveinn Jónsson
Sigfús Vílhjálmsson og Sveinn Sigurbjarnarson komu ekki inn á símann.
Formaður stýrði fundi og gekk til dagskrár.
1. Ráðstefna um veggöng á Mið-Austurlandi
Stefán Stefánsson framkvæmdastjóri Þróunarfélags Austurlands mun stýra ráðstefnunni. Sveinn og Stefán hjá Þróunarstofu hafa gengið frá ferðamálum Edvard Dahl.
Ekki lítur út fyrir að Tómas Sigurðsson forstjóri Fjarðaál geti tekið þátt en hann hefur sýnt því mikinn áhuga og fylgir Sveinn því nánar eftir.
Undirbúningur ráðstefnunnar að öðru leiti allur í höfn það men fá best séð og veðurhorfur góðar.
2. Önnur mál
Stjórnarmenn mæti á Hótel Héraði um kl. 9:00 að morgni ráðstefnudags.
Fleira ekki.
Fundi slitið 18:20
Sveinn Jónsson ritaði
Stjórnarfundur 20.01. 2005. búið
Haldinn í fundarsal Þróunarstofu Austurlands, Miðvangi 2-4, Egilsstöðum kl 17:00
Mættir:
Guðrún Katrín Árnadóttir
Kristinn V. Jóhannsson
Jörundur Ragnarsson
Sveinn Sigurbjarnarson
Sveinn Jónsson
Guðrún Katrín bauð menn velkomna og gekk til dagskrár.
1. Fréttatilkynning
Fyrirliggjandi drög uppfærir Sveinn og Guðrún Katrín dreifir á fjölmiðla að fenginni staðfestingu.
2. Kynnisferð sveitarstjórnarmanna í Teigsbjarg 5. febrúar n.k.
Fyrir liggur listi þátttakenda:
Þorsteinn Steinsson, sveitarstjóri Vopnafirði,
Tryggvi Harðarson, bæjarstjóri Seyðisfirði,
Jóhann P. Hansson bæjarfulltrúi Seyðisfirði,
Guðmundur Bjarnson, bæjarstjóri Fjarðabyggð,
Eiður Ragnarsson, bæjarfulltrúi Fjarðarbyggð,
Skúli Björnsson, sveitarstjórnarmaður Fljótsdalshéraði,
Soffía Lárusdóttir, forseti sveitarstjórnar Fljótsdalshéraði og formaður stjórnar SSA, Þorvarður Jóhannson, framkvæmdastjóri SSA,
Einar Þorvarðarson Vegagerðinni Reyðarfirði
Sveinn Sveinsson, Vegagerðinni Reyðarfirði.
Með í ferðinni verður Sigurður Gunnarsson, sem hefur annast milligöngu hennar og Sveinn Sigurbjarnarson keyrir.
Jörundur fær inni í Végarði eða Skriðuklaustri fyrir fund eftir að niður er komið um kl. 15:30 með kaffi.
Guðrún hefur samband við Ágúst Guðmundsson jarðfræðing um að vera með í ferðinni og hafa innlegg á fundinum. Samþykkt að greiða ferðakostnað, ef með þarf.
Sett voru upp drög að dagskrá fyrir fundinn og skal hún send út til þátttakenda:
3. Samfélagsleg úttekt
Guðrún hefur rætt við Kjartan Ólafsson un möguleika þess að gera úttekt á samfélagslegum áhrifum gangagerðarinnar. Kostnaður er áætlaður 2 milljónir og taki 2 mánuði. Ákveðið að ræða við sveitarstjórnarmennina um aðild að þessu. Talið að mögulegt sé að fjármagna af sama framlagi og til ”Vöktunar á Austurlandi”.
Stefnt verði að fundi með Kjartani hið fyrsta en ákvörðun frestað til næsta fundar í framhaldi af skoðunarferð sveitarstjórnarmanna.
4. Jarðfræðirannsóknir
Komið hefur fram að um 50 – 80 milljónir kunni að kosta að ljúka jarðfræðirannsóknum.
5. Önnur mál
Guðrún vísaði til fjáröflunar, sem fór af stað á s.l. hausti. Þrír aðilar í Neskaupstað hafa greitt 50.000.- hver. Jörundur kanni hvað Hrafnkell hafi verið búinn að gera í þessu á Egilsstöðum og síðan skipti Jörundur og Sveinn því sem eftir er með sér. Sveinn S og Guðrún enn að vinna í sínum hluta listans.
Fleira ekki, fundargerð lesin og samþykkt.
Fundi slitið 18:10
Sveinn Jónsson ritaði
SAMGÖNG
3. Stjórnarfundur 2005 – 2006.
Föstudaginn 28. október 2005 kl 18:00 í síma
Mættir: Guðrún Katrín Árnadóttir,
Jörundur Ragnarsson,
Kristinn V. Jóhannsson,
Sveinn Jónsson
Jónas Hallgrímsson, Sigfús Vílhjálmsson og Sveinn Sigurbjarnarson komu ekki inn á símann.
Formaður stýrði fundi og gekk til dagskrár.
1. Ráðstefna um göng
Staðfest er að Jón Rögnvaldsson, vegamálastjóri og Hreinn Haraldsson, jarðfærðingur og framkvæmdastjóri þróunarsviðs Vegagerðarinnar mæti til ráðstefnunnar föstudagsinn 4. nóvember n.k. og fjalla um samgöngumál jarðfræðirannsóknir einkum og sér í lagi á Mið-Austurlandi.
Að öðru leiti liggur þáttöka anarra framsögumanna fyrir:
• Soffía Lárusdóttir formaður stjórnar SSA setur ráðstefnuna.
• Kristinn V. Jóhannsson formaður kynni tilurð og markmið SAMGÖNG,
• Edvard Dahl, verkefnisstjóri ELKEM við Saudafaldene í Noregi mun kynna tæknileg atriði heilborunar.
• Heine Olsen fyrrv. yfirverkfræðingur Landsstjórnarinnar í Færeyjum mun fjalla um ”Samfélagsmál og jarðgangagerð í Færeyjum”.
• Jón Þorvaldur Heiðarsson og Valtýr Sigurbjarnarson munu koma frá RHA og kynna skýrslu þeirra um ”Samfélagsleg áhrif og arðsemi jarðgana á Austurlandi”, sem liggur nú á netinu öllum aðgengileg.
• Ekki liggur fyrir hvort Tómas Sigurðsson forstjóri Fjarðaál geti tekið þátt og kannar Sveinn það nánar.
Ráðstefnan hefur verið auglýst í þrígang í Dagskránni og verður enn í næstu viku. Þróunarstofa hefur sent út E-mail áminningar til fyrrtækja, sveitarstjórnarmanna og þingmanna.
Ekki hafa borist svör frá Eimskip og Samskip við ósk um aðild viðkomandi að ráðstefnunni með fjárstuðningi en fyrir liggur að Fjarðaál styrki Samgöng með kr. 150þús.
2. Önnur mál
Næsti fundur er áformaður n.k. mánudag í síma.
Fleira ekki.
Fundi slitið 18:30
Sveinn Jónsson ritaði
Boðaður fundur stjórnar SAMGÖNG hófst kl. 10:00 laugardaginn 4. desember 2004 á Hótel Héraði, Egilsstöðum. Af stjórnarmönnum voru mættir: Guðrún Katrín Árnadóttir, Sveinn Sigurbjarnarson og Jörundur Ragnarsson. Þá var mættur boðinn gestur Kjartan Ólafsson félagsfræðingur hjá Rannsóknarstofnun Háskólans á Akureyri, sem gerði grein fyrir vinnu sem að HA er með í gangi varðandi ýmis mál tengd þeim miklu breytingum sem nú eiga sér stað á Austurlandi.
Helstu punktar úr máli Kjartans
1. Rædd þau atvinnutækifæri sem að eru nú í boði sem og þau sem að bjóðast í næstu framtíð.
2. Menntunarmöguleikar á Austurlandi í dag og næstu framtíð.
3. Kjartan benti á að ákvarðanir á framkvæmdatíma geti verið rangar og því dregið dilk á eftir sér í áratugi.
4. Taldi erfiðast að halda saman öllum framkvæmdum með tilliti til framtíðar, á framkvæmdatímanum.
5. Sagði það mikið atriði að þeir sem að væru í forsvari á svæðinu næðu að tala saman. Bæði væri um að ræða aðila úr atvinnulífi sem sveitarstjórnum. (sameinuð stöndum vér innl. ritara) Hvernig samfélag viljum við hafa á Austurlandi í framtíðinni?
6. Ræddi um samgöngur og hvað þær skiptu miklu máli fyrir atvinnulífið.
7. Gerði grein fyrir könnun á fjarlægð starfsmanna frá vinnustað og nauðsyn þess að auðveld leið lægi á milli. Alvarlegt ef erfitt er að komast á milli heimilis og vinnu.
8. Sá sem gerir ekki neitt- gerir enga vitleysu.
9. Gagnleg umræða fór fram um Austurland og framtíðina. Kjartan sagði að HA væri með það sem framtíðarverkefi að gera grein fyrir stöðunni á Austurlandi í dag svo aftur efir 4 og 8 ár.
Stjórnarmenn voru ánægðir með þessa umræðu og þökkuðu Kjartani fyrir hans tillegg til aukinnar vitundar stjórnar um nauðsyn þess að tengja byggðir á Austurlandi saman með jarðgöngum.
