Hoffell, skip Loðnuvinnslunnar heldur til makrílveiða í kvöld. Venus frá Vopnafirði er þegar kominn á miðin. Skip Eskju fara út um helgina en enn eru nokkrir dagar í að vinnsla byrji hjá Síldarvinnslunni í Neskaupstað.
„Þetta verða rosalega skemmtilegt, við flytjum gömlu Eyjalögin sem svo margir þekkja í örlitlum „djassfíling” sem lyftir þeim á nýjan stall,” segir sópransöngkonan Berta Dröfn Ómarsdóttir sem verður með tónleika á Skriðuklaustri annað kvöld ásamt píanóleikaranum Sigurði Helga Oddssyni. Eftir rúma viku troða þau Hera Björk Þórhallsdóttir og Björn Thoroddsen upp á sama stað.
„Það er sko ekkert verið að grínast með spána, það verður bongóblíða,” segir Gréta Sóley Arngrímsdóttir, um Sumarhátíð UÍA, sem fram fer á Egilsstöðum um helgina.
„Ég held að nýting á sýndarveruleikatækninni muni aukast mjög í miðlun á sögu og ýmsu öðru á næstu árum. Það er gaman fyrir okkur að vera í fararbroddi í þeim málum, en alveg sama hvaða tækni er nýtt þá skiptir innihaldið alltaf mestu máli, að hafa einhverju sögu að segja,” segir Borgfirðingurinn Áskell Heiðar Ásgeirsson, framkvæmdastjóri sögusetursins, 1238 Baráttan um Ísland, sem staðsett er á Sauðárkróki.
Brugghús, veitingastaður og hótel með heilsulind eru helstu hugmyndir félags sem áformar framkvæmdir á Heyklifi á Kambanesi í sunnanverðum Stöðvarfirði. Markmiðið á að vera að byggja upp einstaka hágæða ferðaþjónustu.
