Innan við tvær milljónir að austan
Stuðningur austfirskra fyrirtækja við stjórnmálaflokka árið 2007 var tæp 1,8 milljón íslenskra króna. Þrjú framboð af sex skiptu styrkjunum með sér.
Þetta kemur fram í skýrslu sem Ríkisendurskoðun gaf út í vikunni en birt er sundurliðuð á vef Tíðarandans . Samkvæmt lauslegri úttekt Austurgluggans nam heildarstyrkur austfirskra lögaðila til stjórnmálaflokkanna 1.789.242 krónum. Upphæðirnar eru almennt lágar. Í heildina eru fimm styrkir upp á 300.000, hámarksupphæð, í hópnum en aðrir styrkir eru allir innan við 50.000 krónur.
Þrír flokkar, Sjálfstæðisflokkur, Framsóknarflokkur og Samfylkingin skipta með sér styrkjunum en Vinstrihreyfingin, Íslandshreyfingin og Frjálsyndi flokkurinn fá ekkert. Mest fær Sjálfstæðisflokkurinn, tæp 750 þúsund frá tíu aðilum, þar af 300 þúsund frá Eskju hf. og Síldarvinnslunni. Þau eru jafnframt einu austfirsku fyrirtækin sem styrkja Samfylkinguna, sem fær hámarksupphæð frá báðum. Framsóknarflokkurinn fær 440.000 krónur frá sex fyrirtækjum, þar af 300.000 krónur frá Austfari.
Styrkir flokkanna að austan:
Framsóknarflokkurinn
| Austurfar ehf. [sic] * |
300.000 |
| Bílaverkstæði Borgþórs ehf. |
35.000 |
| Bolholt ehf [sic] ** |
25.000 |
| Héraðsverk ehf. |
20.000 |
| Sparisjóður Norðfjarðar |
40.000 |
| Tandraberg ehf. |
20.000 |
Alls sex styrkir að upphæð 440.000 krónur
* Frumheimild segir Austurfar en það fyrirtæki finnst ekki. Ýmislegt bendir til að þetta sé Austfar á Seyðisfirði.
** Frumheimild segir Bolholt ehf., en það fyrirtæki finnst hvergi. Líklega vantar kommu yfir ó-ið.
Sjálfstæðisflokkurinn
| Bólholt ehf. |
31.420 |
| Eskja hf. |
300.000 |
| Handverks og hússtjórnarskólinn |
9.715 |
| Héraðsfjörður ehf. |
31.849 |
| Héraðsverk ehf. |
18.970 |
| Hitaveita Egilsstaða/Fella ehf. | 18.97 |
| JG Bílar ehf. | 9.715 |
| Síldarvinnslan |
300.000 |
| Tannlæknastofan á Egilsstöðum |
18.970 |
| Þ.S. Verktakar ehf. | 9.633 |
Alls tíu styrkir að upphæð 749.242 krónur
Samfylkingin
| Eskja hf. |
300.000 |
| Síldarvinnslan |
300.000 |
Alls tveir styrkir að upphæð 600.000 krónur.
