Myrkvaðir þungarokkstónleikar
Þungarokkshljómsveitirnar Chino og Celestine komu nýverið fram á tvennum tónleikum austan lands.
Celestine, sem er frá Reykjavík, var á hringferð um landið en Chino, frá Egilsstöðum, hitaði upp fyrir hana á tónleikum á Egilsstöðum og Norðfirði. Tónleikarnir voru hluti af dagskránni á Dögum myrkurs. Kristófer Nökkvi Sigurðsson, trommuleikari Chino, sagðist í samtali við Austurgluggann vera ánægður með tónleika og að vel hefði verið að þeim staðið.