Nú puða austfirskir krakkar!
Skólahreysti verður haldin á Egilsstöðum fimmtudaginn 19. mars kl. 15. Íþróttamiðstöðin opnar klukkustund fyrir keppni. Það var Grunnskóli Fáskrúðsfjarðar sem náði 1. sæti í Skólahreysti 2008. Nú verður spennandi að sjá hvort hann heldur sínu sæti eða hvort annar skóli af Austurlandi nær af honum titlinum og þar með þátttökurétti í úrslitum í Laugardalshöll 30. apríl.
Tólf lið komast í úrslit og eru eftirtaldir níu skólar komnir í púkkið: Varmalandsskóli, Grunnskóli Ísafjarðar, Salaskóli, Heiðarskóli í Reykjanesbæ, Hvolsskóli, Foldaskóli, Háteigsskóli, Grunnskóli Siglufjarðar og Þelamerkurskóli. Auk þess komast tveir árangursríkustu skólarnir í úrslit fyrir utan þá sem hlutu fyrsta sæti í sínum riðlum. Þættir frá mótunum eru sýndir á laugardögum kl.18:00 á RÚV og endursýndir á sunnudögum og þriðjudögum.
Myndin er af Guðrúnu Ósk Gestsdóttur keppanda í sigurliði Gr.Siglufjarðar.
