Þakkir frá Soroptimistaklúbbi Austurlands
Eitt af markmiðum Soroptimista, sem er alþjóðleg hreyfing kvenna, er að bæta stöðu kvenna og stúlkna í heiminum og mikilvægur þáttur í því er að vekja athygli á og sporna gegn kynbundnu ofbeldi, með forvarnir í forgrunni.Soroptimistar Austurlands þakkar góðar móttökur og undirtektir þegar við fórum þess á leit að fyrirtæki og stofnanir aðstoðuðu okkur við að vekja athygli á mikilvægi þess að þekkja rauðu ljósin um stafrænt ofbeldi, sem var í forgrunni í 16 daga vitundarvakningunni um kynbundið ofbeldi. Byggingar voru lýstar upp, appelsínugulir fánar dregnir af húni og veggspjöld með bjargráðum prýddu veggi víða í nærsamfélaginu okkar.
Einnig þökkum við þeim fjölmörgu sem styrktu okkur og keyptu Kærleikskúluna, en hluti kaupverðsins rennur til okkar. Við látum það síðan ganga til verðugra verkefna sem tengjast málefnum barna með fötlun á svæðinu.
Fyrir hönd verkefnastjóra klúbbsins,
Sigríður Kr. Gísladóttir
