Tónleikar með Svani
Gítarleikarinn Svanur Vilbergsson heldur tvenna tónleika á Austurlandi um helgina.
Á morgun, laugardag, kemur hann fram í Kirkju- og menningarmiðstöðinni á Eskifirði en á sunnudag í Vallaneskirkju. Báðir tónleikarnir hefjast klukkan 14:00. Á efniskránni er frumflutningur á verki eftir spænska tónskáldið Mateu Malondra Flaquer ásamt verkum eftir Bach, Sor og Jose. Aðgangseyrir á tónleikana er 1.500 krónur.
Svanur er uppalinn Stöðfirðingur og hefur nýverið lokið meistaranámi í gítarleik í Hollandi.
