Valið á lista Framsóknar í NA-kjördæmi í dag
Kosið var um skipan á framboðslista Framsóknarflokksins í Norðausturkjördæmi á aukakjördæmisþingi flokksins á Egilsstöðum í dag. Talningu átti að vera lokið kl. 17 en tölur hafa þó enn ekki verið birtar. Fimmtán gáfu kost á sér á listann. Alþingismennirnir Birkir Jón Jónsson, varaformaður Framsóknar og Höskuldur Þórhallsson alþingismaður, sóttust báðir eftir fyrsta sætinu, en Anna Kolbrún Árnadóttir, sérkennari, sóttist eftir 1. til 8. sæti listans.
