Vinstri græn hneyksluð á útreið landsbyggðarinnar í fjárlagafrumvarpinu
Kjördæmisráð Vinstrihreyfingarinnar – græns framboðs í Norðausturkjördæmi segir stórfelldan niðurskurð blasa við í byggðamálum í fjárlagafrumvarpi ríkisstjórnarinnar.Þetta kemur fram í ályktunum aðalfundar ráðsins sem haldinn var að Stóru-Laugum í Reykjadal um helgina. Ráðir lýsir „hneykslun á þeirri útreið sem landsbyggðin fær“ í fjárlagafrumvarpinu.
Vísað er til „stórfellds niðurskurðar“ í vegaframkvæmdum, stuðningi við innanlandsflug, jöfnunar á náms- og flutningskostnaði, stuðningi við menningarstarfsemi á landsbyggðinni, sóknaráætlunum landshlutanna, brothættum byggðum og niðurgreiðslu á hitun á köldum svæðum.
„Frumvarpið ber þess glögg merki að sú sókn sem hafin var í byggðamálum á síðasta kjörtímabili skal slegin af, þvert á fögur fyrirheit í stefnuyfirlýsingu ríkisstjórnarinnar.“
Ráðið fagnar hins vegar árangri í samgöngumálum í Norðausturkjördæmi sem náðist í tíð síðustu ríkisstjórnar. Þar er minnst á nýja vegtengingu við Vopnafjörð og Norðfjarðargöng.
„Fundurinn áréttar að eftir sem áður bíða mörg brýn verkefni í samgöngumálum og minnir í því sambandi sérstaklega á veg um Öxi, göng til Seyðisfjarðar, ásamt endurnýjun þjóðvega víða um kjördæmið og eflingu almenningssamgangna.“
Þá mótmælir ráðið kynningu Orkusölunnar á háspennulínum yfir Sprengisand. „Fyrir þessum línum eru engar samþykktir og ótækt að verið sé að halda óútfærðum hugmyndum að landsmönnun. Um er að ræða grundvallarbreytingu á nýtingu og sýn á hálendi landsins.“
„Frumvarpið ber þess glögg merki að sú sókn sem hafin var í byggðamálum á síðasta kjörtímabili skal slegin af, þvert á fögur fyrirheit í stefnuyfirlýsingu ríkisstjórnarinnar.“
Ráðið fagnar hins vegar árangri í samgöngumálum í Norðausturkjördæmi sem náðist í tíð síðustu ríkisstjórnar. Þar er minnst á nýja vegtengingu við Vopnafjörð og Norðfjarðargöng.
„Fundurinn áréttar að eftir sem áður bíða mörg brýn verkefni í samgöngumálum og minnir í því sambandi sérstaklega á veg um Öxi, göng til Seyðisfjarðar, ásamt endurnýjun þjóðvega víða um kjördæmið og eflingu almenningssamgangna.“
Þá mótmælir ráðið kynningu Orkusölunnar á háspennulínum yfir Sprengisand. „Fyrir þessum línum eru engar samþykktir og ótækt að verið sé að halda óútfærðum hugmyndum að landsmönnun. Um er að ræða grundvallarbreytingu á nýtingu og sýn á hálendi landsins.“
