Eiríkur Björn: Menn töldu mig of mikið í pólitíkinni fyrir austan
Fréttir • This email address is being protected from spambots. You need JavaScript enabled to view it. • Fyrst birt 09. nóv 2011 16:04 • Uppfært 08. jan 2016 19:22
Eiríkur Björn Björgvinsson, fyrrverandi bæjarstjóri á Fljótsdalshéraði,
segir helsta mun á starfinu þar og á Akureyri, þar sem hann starfar nú,
að hann einbeiti sér betur að rekstrinum nyrðra. Pólitísk vinna eystra
hafi mögulega haft neikvæð áhrif á feril hans.
Þetta kemur fram í viðtali við Eirík í síðasta tölublaði Akureyrar – vikublaðs. Þangað var hann ráðinn til starfa af L-listanum í fyrrasumar en listinn hefur engar beinar pólitískar tengingar á landsvísu.
„Fyrir austan sáu pólitískir fulltrúar flokkanna sem skipuðu meirihluta sveitarfélaganna um tengingar á landsvísu en hér þarf ég að mestu leyti að sjá um þessi pólitísku tengsl út á við. Það var hins vegar mjög meðvitað allt frá fyrsta degi að mín tengsl myndu snúa að rekstrinum einungis, minn tími á ekki að fara í pólitískan debatt við einn eða neinn,“ segir Eiríkur og bætir við.
„Það kom fyrir að ég var meira í því fyrir austan og sumir segja að það kunni að hafa haft neikvæð áhrif á minn feril þar, að ég hafi innviklast um of í pólitíkina. Hér er ég meira stikkfrí pólitískt.“
Eiríkur var um tíma íþróttafulltrúi á Akureyri áður en hann tók við bæjarstjórastöðunni eystra. Eftir átta ára dvöl þar var staðan auglýst við meirihlutaskipti í sveitastjórnarkosningunum í fyrravor. Eiríkur sótti um stöðuna nyrðra þegar hún var auglýst. Hann þurfti ekki að hugsa sig lengi um þegar hún bauðst.
„Hér á ég nokkra af mínum bestu vinum og þess vegna var það auðveld ákvörðun að sækjast eftir að koma aftur og mér bauðst það.“
„Fyrir austan sáu pólitískir fulltrúar flokkanna sem skipuðu meirihluta sveitarfélaganna um tengingar á landsvísu en hér þarf ég að mestu leyti að sjá um þessi pólitísku tengsl út á við. Það var hins vegar mjög meðvitað allt frá fyrsta degi að mín tengsl myndu snúa að rekstrinum einungis, minn tími á ekki að fara í pólitískan debatt við einn eða neinn,“ segir Eiríkur og bætir við.
„Það kom fyrir að ég var meira í því fyrir austan og sumir segja að það kunni að hafa haft neikvæð áhrif á minn feril þar, að ég hafi innviklast um of í pólitíkina. Hér er ég meira stikkfrí pólitískt.“
Eiríkur var um tíma íþróttafulltrúi á Akureyri áður en hann tók við bæjarstjórastöðunni eystra. Eftir átta ára dvöl þar var staðan auglýst við meirihlutaskipti í sveitastjórnarkosningunum í fyrravor. Eiríkur sótti um stöðuna nyrðra þegar hún var auglýst. Hann þurfti ekki að hugsa sig lengi um þegar hún bauðst.
„Hér á ég nokkra af mínum bestu vinum og þess vegna var það auðveld ákvörðun að sækjast eftir að koma aftur og mér bauðst það.“
