Engin gisting á Kuldabola

Hátíðin hefur verið haldin í Fjarðabyggðarhöllinni og hafa ungmennin gjarnan gist þar. Eftir hátíðina í fyrra kom fram gagnrýni á gistinguna, meðal annars þar sem neyðarútgangar höfðu verið lokaðir.

Fjölskyldunefnd hefur haft fyrirkomulagið til skoðunar í nokkurn tíma. Á fundi nefndarinnar í lok ágúst var rætt um möguleikann á að gista ekki í gjöldum eða færa hana gistinguna yfir í íþróttahúsið á Reyðarfirði.

Þar var jafnframt rætt um að kanna vilja foreldra og forráðamanna barnanna til að taka að sér gæslu á meðan næturgistingunni stæði. Fram kemur að breytingarnar séu vegna krafna um auknar öryggisráðstafanir.

Nú liggur ákvörðun um að ekki verði boðið upp á gistinguna fyrir. Í bókun frá fundi fjölskyldunefndar frá því í síðustu viku segir að aðstæður í höllinni teljist ekki uppfylla nauðsynlegar kröfur um öryggi gesta og ljóst sé að dregið hefði úr þátttöku ef lagt hefði verið upp með næturgistingu.

„Fjölskyldunefnd mun áfram leggja áherslu á að skapa öruggt og skemmtilegt umhverfi fyrir þátttakendur á Kuldabola, án þess að bjóða upp á næturgistingu,“ segir í bókun.

Mynd: Fjarðabyggð