Ferðamálasamtök Austurlands endurskipulögð
Fréttir • This email address is being protected from spambots. You need JavaScript enabled to view it. • Fyrst birt 01. nóv 2011 19:11 • Uppfært 08. jan 2016 19:22
Markaðsstofa Austurlands og Ferðamálasamtök Austurlands sameinast á
næstunni undir merkjum Ferðamálasamtaka Austurlands. Þetta var samþykkt á
aukaaðalfundi samtakanna sem fram fór á Hallormsstað fyrir skemmstu.
Þessi breyting er liður í endurskipulagningu á stoðkerfi Austurlands. Ferðamálasamtökin fengu jafnframt nýjar samþykktir sem gera þau að hreinu félagi ferðaþjónustuaðila án aðildar sveitarfélaganna.
Við sama tækifæri var samþykkt að færa starfsemi sjálfseignarstofnunarinnar Markaðsstofu Austurlands inn í nýja sameinaða stoðstofnun um næstu áramót. Aðild að nýjum Ferðamálasamtökum Austurlands eiga meðal annars allir þeir 90 ferðaþjónustuaðilar sem verið hafa félagar í Markaðsstofu Austurlands. Formaður samtakanna var kosinn Skúli Björn Gunnarsson á Skriðuklaustri.
Við sama tækifæri var samþykkt að færa starfsemi sjálfseignarstofnunarinnar Markaðsstofu Austurlands inn í nýja sameinaða stoðstofnun um næstu áramót. Aðild að nýjum Ferðamálasamtökum Austurlands eiga meðal annars allir þeir 90 ferðaþjónustuaðilar sem verið hafa félagar í Markaðsstofu Austurlands. Formaður samtakanna var kosinn Skúli Björn Gunnarsson á Skriðuklaustri.
