Fjarðabyggð: Sviptingar í öðrum tölum
Meirihluti Framsóknarflokks og Sjálfstæðisflokks, sem verið hefur í Fjarðabyggð frá 2010, er heldur samkvæmt öðrum tölum úr sveitarfélaginu. Hann var hins vegar fallinn samkvæmt fyrstu tölum.Sjálfstæðisflokkur heldur þremur fulltrúum en á síðasta mann inn. Fjórði maður Fjarðalista og annar maður Miðflokksins eru næstur inn og vantar 33-41 atkvæði til, samkvæmt tölum frá yfirkjörstjórn Fjarðabyggðar.
Miðflokkurinn, sem er nýr í sveitarfélaginu, fær einn fulltrúa. Fjarðalistinn fær flest atkvæði og þrjá fulltrúa.
Talin hafa verið 1745 atkvæði. 3.463 voru á kjörskrá. Ekki hefur verið staðfest hve mörg atkvæði voru greidd alls í dag.
Framsóknarflokkur: 394 atkvæði, 23,3% og 2 fulltrúar.
Sjálfstæðisflokkur: 457 atkvæði, 27% og 3 fulltrúar.
Miðflokkurinn 272 atkvæði, 16,1% og 1 fulltrúi.
Fjarðalistinn 569 atkvæði, 33,6% og 3 fulltrúar.
Auðir og ógildir: 53 eða 3%.
Sjálfstæðisflokkurinn fékk 37,35% í síðustu kosningum og tapar tíu prósentustigum eða tæpum 30% af fylgi sínu. Framsóknarflokkurinn fékk 29,8% síðast og tapar því rúmum sex prósentustigum. Fjarðalistinn bætir við sig tæpu prósentustigi og Miðflokkurinn kemur nýr inn.