Fjórir umsækjendur um starf slökkvistjóra í Fjarðabyggð
Fréttir • This email address is being protected from spambots. You need JavaScript enabled to view it. • Fyrst birt 23. okt 2024 09:49 • Uppfært 23. okt 2024 09:50
Fjórir umsækjendur eru um starf slökkviliðsstjóra Fjarðabyggðar sem auglýst var laust til umsóknar í lok sumars.
Umsóknarfresturinn rann út um miðjan október. Alls bárust fimm umsóknir en einn hefur dregið umsókn sína til baka.
Staðan var fyrst auglýst í fyrrahaust en þá ákveðið að hafa umsóknum og ráða tímabundið meðan áfram væri haldið við endurskipulagningu liðsins.
Starfið var svo auglýst aftur núna síðsumars. Í auglýsingu var meðal annars farið fram á farsæla reynslu af stjórnun, jákvætt viðhorf og farsæla reynslu af stjórnun slökkviliðs. Slökkviliðið er atvinnulið sem að auki sinnir sjúkraflutningum í Fjarðabyggð.
Eftirtaldir sóttu um starfið
Björn Halldórsson, þjálfunarstjóri
Ingvar Georg Georgsson, slökkviliðs- og sjúkraflutningamaður
Júlíus Albert Albertsson, slökkviliðsstjóri
Leifur Andrésson Thomsen, framleiðslustarfsmaður
