Fleiri hús farin eða stórskemmd

Ljóst er að stórfellt eignatjón hefur orðið á Seyðisfirði í miklum skriðum sem féllu skömmu fyrir klukkan þrjú í dag. Ekki hefur tekist að staðfesta hvort allir íbúar séu óhultir.

Ekki hefur tekist að staðfesta umfang skriðunnar né hvort fólk sé óhult. Verið er að kanna stöðuna. Viðbragðsaðilar eru á þönum og hafa því ekki náð að veita upplýsingar.

Eitt íbúðarhús við Búðará er ónýtt. Eftir því sem Austurfrétt kemst næst féllu skriður víðar, meðal annars á svæði Tækniminjasafns Austurlands. Fleiri skriður hafa fallið í kjölfarið.

Verið er að rýma allan utanverðan fjörðinn frá Hafnargötu. Allir sem staddir eru á Seyðisfirði hafa verið beðnir um að gefa sig fram í fjöldahjálparstöðinni í Herðubreið.

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.