Hoffell á landleið með 750 tonn af makríl
Hoffell er á landleið með 750 tonn af stórum makríl eða um 450 gr. að meðaltali.Þetta kemur fram á vefsíðu Loðnuvinnslunnar. Þar segir að veiðin var í Síldarsmugunni og eru um 28 tímar af miðunum eða 330 mílna sigling.
Á síðasta ári var fyrsta löndun hjá Hoffelli 8. júlí en núna er skipið að landa góðri viku fyrr.
Fram kemur að Hoffell muni koma til hafnar á Fáskrúðsfirði næstu nótt.
Þá má geta þess að Börkur kom til Neskaupstaðar fyrir helgina og landaði þar 320 tonnum af makríl. Var það fyrsti makrílinn sem berst á land á Austfjörðum á þessari vertíð.
