Þriggja bíla árekstur á Fagradal í gær

Samkvæmt upplýsingum frá lögreglunni varð óhappið upp úr klukkan hálf tvö í gær. Aðstæður á leiðinni voru leiðinlegar, hálka, kóf og blint.

Fimm einstaklingar voru í bílunum og voru þeir fluttir til aðhlynningar á heilsugæslunni á Reyðarfirði. Einn þeirra var síðan fluttur áfram á Umdæmissjúkrahúsið í Neskaupstað, samkvæmt heimildum Austurfréttar.

Umferðin á Austurlandi hefur annars gengið tíðindalaust fyrir sig síðustu daga. Þó voru tveir ökumenn teknir vegna gruns um ölvun við akstur í síðustu viku.

Mynd úr safni.