Hreindýrakvótinn náðist ekki í sumar
Ekki tókst að veiða öll þau hreindýr sem mátti í sumar. Munaði 14 dýrum að kvótinn næðist. Veiðitímabilinu lauk í gær.
Þetta kemur fram á vefsíðu Umhverfisstofnunnar. Þar segir að alls veiddust 1.263 dýr en kvótinn hljóðaði upp á 1.277 dýr. Af þeim dýrum sem veiddust voru 745 kýr og 518 tarfar.
Veiða má hreindýr allt frá Langanesi og suður til Jökulsárlóns.
Í nóvember verður aftur heimilt að veiða 48 kýr á 20 daga tímabili en sú veiði er bundin við nágrenni Hafnar í Hornfirði.
