![](/images/stories/news/2021/hengifoss_bjorgun_juli21.jpg)
Maðurinn við Hengifoss heill á húfi
Björgunarsveitin Hérað á Egilsstöðum var kölluð út á fimmta tímanum í dag þar sem maður var í sjálfheldu við Hengifoss. Fyrst um sinn var lítið vitað um björgunaraðgerðina eða hvar maðurinn væri nákvæmlega í gljúfrinu.
Fram kom í fréttatilkynningu um málið að kona mannsins hafi haft samband við neyðarlínuna.
Björgunarsveitarmenn fóru á fjórhjólum að gilinu og gengu þaðan upp.
Björgunaraðgerðir gengu vel og lauk þeim formlega rétt fyrir hálf sjö þegar björgunarsveitarmenn komu manninum á útsýnispallinn þar sem hann og kona hans féllust í faðma.
„Verkefnið gekk greiðlega þrátt fyrir erfiðar aðstæður á staðnum enda um bratt klettableti að ræða,“ segir í fréttatilkynningu frá Landbjörg.