SÚN úthlutar styrkjum upp á tæpar 19 milljónir
Síðastliðinn fimmtudag úthlutaði Samvinnufélag útgerðarmanna í Neskaupstað styrkjum úr Menningar- og viðurkenningasjóði félagsins. Hér er um að ræða fyrri úthlutun ársins en sú síðari verður í nóvember.
Að þessu sinni var úthlutað 25 styrkjum og nam heildarupphæð þeirra 18,7 milljónum króna. Veittir eru styrkir í nokkrum flokkum og eru flokkarnir menning, menntun og íþróttir fyrirferðamestir.
Hæstu styrkina í þessari úthlutun hlutu eftirtaldir:
Nytjamarkaðurinn í Neskaupstað 3,2 milljónir til húsnæðiskaupa.
Fjölskylduhátíðin Neistaflug 3 milljónir.
Hjúkrunardeild Fjórðungssjúkrahússins í Neskaupstað 2,5 milljónir.
Golfklúbbur Norðfjarðar 2,5 milljónir.
Bjarminn félag um rekstur útfararbíls 1,5 milljónir.
Verkmenntasdkóli Austurlands vegna Tæknidags 500 þúsund.
Hestamannafélagið Blær 500 þúsund
Hljómsveitin Oni vegna útgáfu nýrrar breiðskífu 500 þúsund.
Samvinnufélag útgerðarmanna á eignarhlut í Síldarvinnslunni hf. og nýtir stóran hluta af árlegum arði af þeirri eign til að styrkja samfélagsverkefni í heimabyggð.
Meðfylgjandi er mynd af styrkþegum, stjórn SÚN og framkvæmdastjóra.