Samstarfsnefnd um sameiningu fjögurra sveitarfélaga á Austurlandi hefur lagt til að kosið verði um sameininguna í lok október. Mikil vinna hefur verið lögð í að greina framtíðarhorfur nýs sveitarfélags í fjármálum.
Mikill snjór, fljúgandi hálka og lélegt skyggni var á Fjarðarheiði í nótt að sögn manns sem fór til hjálpar ferðalöngum þar en komst sjálfur í þann krappann. Björgunarsveitir fylgdu ferðalöngum til byggða.
„Það er algjört réttlætismál og sjálssögð krafa að greidd séu sömu laun fyrir sömu eða jafn verðmæt störf. Nú hefur Heilbrigðisstofnun Austurlands fengið vottun þess efnis og erum við öll afar stolt af henni,” segir Guðjón Hauksson forstjóri HSA, sem hefur nú fyrst allra heilbrigðisstofnana á Íslandi, hlotið jafnlaunavottun.
Áhugasömum kaupendum gefst tækifæri á að skoða þær einingar sem standa eftir af vinnubúðunum sem reistar voru fyrir starfsmenn sem byggðu álverið á Reyðarfirði á sunnudag. Unnið er að því að fjarlægja búðirnar.
Útlit er fyrir á enn frekari skerðingu þjónustu sýslumannsins á Austurlandi ef ekki verður brugðist við fjárhagsvanda embættisins. Bæjarfulltrúar á Fljótsdalshéraði segja ríkið brjóta lög með að standa ekki undir þjónustu og benda á að ekki hafi verið staðið við fyrirheit sem gefin voru við sameiningu sýslumannsembætta árið 2015.
Sveitarfélagið Fljótsdalshérað hefur náð lögbundnu viðmiðið um að skuldir séu ekki meira en 150% af tekjum ári fyrr en áætlað var. Bæjarstjórinn segir ánægjulegt að hafa náð settu marki en áfram þurfi að gæta aðhalds í rekstri.
Ekki var nógu vel staðið að fjárhagslegum undirbúningi sameiningar embætta sýslumanna árið 2015 og launakostnaður gróflega vanmetinn. Þetta hefur meðal annars bitnað illa á sýslumanninum á Austurlandi þar sem eigið fé var neikvætt um 30 milljónir þremur árum eftir sameininguna.
Göngugata með blandaðri byggð er hjartað í nýju skipulagi sem kynnt hefur verið fyrir miðbæ Egilsstaða. Bætt umferðaröryggi með gangandi og hjólandi vegfarendur í huga er eitt aðalmarkmið skipulagsins.
Alþingi þarf að tryggja samkeppnishæfni byggða með að tryggja bæði að nauðsynlegustu innviðir séu til staðar og að setið sé við sama borð í möguleikum á nýtingu þeirra. Aðgengi að heilbrigðisþjónustu á landsbyggðinni og blikur í efnahagsmálum var meðal þess sem rætt var eldhúsdagsumræðum á Alþingi á þriðjudag.
Íslendingar fengu í síðustu viku leyfi til að flytja eldisfisk til Kína. Framkvæmdastjóri Fiskeldis Austfjarða segir samninginn stóran áfanga fyrir íslenskt fiskeldi. Það hjálpi að hafa úr fleiri mörkuðum að velja.
Stjórn Náttúruverndarsamtaka Austurlands (NAUST) veitti Ferðafélagi Fljótsdalshérað og Ferðamálahópi Borgarfjarðar nýverið umhverfisviðurkenningu samtakanna. Viðurkenningin er veitt fyrir að setja umhverfi og náttúru Víknaslóða í forgang með landvörslu og úttekt á svæðinu með verndarsjónarmið í huga.
Forseti Íslands, Guðni Th. Jóhannesson, afhenti Stefáni Þórarinssyni, heimilislæknir og fyrrverandi framkvæmdastjóra lækninga hjá Heilbrigðisstofnun Austurlands, viðurkenningu fyrir störf hans í þágu stofnunarinnar í tilefni af 20 ára afmæli hennar.