Meirihluti bæjarráðs Fjarðabyggðar furðar sig á samþykkt nýafstaðins landsfundar Samfylkingarinnar þar sem lagst er gegn vinnslu jarðefnaeldsneytis á Íslandsmiðum. Fulltrúi minnihlutans telur ekki rétt að álykta um einstakar ályktanir stjórnmálaflokka og segir vinnubrögð meirihlutans ómálefnaleg.
Fjölmenni var við vígslu nýs hjúkrunarheimilis á Egilsstöðum á laugardag. Þar með er lokið langri baráttu Héraðsmanna fyrir nýju heimili sem bætir aðstöðuna til muna.
Sjónarás ehf. (áður Gámaþjónusta Austurlands-Sjónarás) og Efnamóttakan hf. hafa hlotið ISO 14001 umhverfisvottun. Sjónarás er 3. fyrirtæki á Austurlandi til að hljóta hljóta þessa vottun en fyrir eru Alcoa og Mannvit með þessa vottun. Efnamóttakan er fyrsta spilliefnamóttaka landsins til að hljóta slíka vottun.
Netnotendur á Fljótsdalshéraði óttast að verða netsambandslausir en 365 miðlar hyggjast hætta hætta rekstri netkerfis á svæðinu. Af þeim sökum hefur fyrirtækið um allnokkurt skeið neitað nýjum notendum um að tengjast. Bóndi í Skriðdal þarf að keyra á næstu bæi til að komast í netsamband.
Aðalsteinn Jónsson stendur í stórræðum um þessar mundir, en fyrir skemmstu hófst hann handa við framkvæmdir á Skjöldólfsstöðum þar sem hann hyggst stækka við gistiheimilið Á hreindýraslóðum og auka gistipláss.
Lögreglustjórinn á Austurlandi hefur ákært fyrrum gjaldkera Sóma, starfsmannafélags Alcoa Fjarðaáls, fyrir fjárdrátt og umboðssvik upp á samtals tæpar átta milljónir króna. Áætlað er að rúmar sex milljónir hafi hann tekið til eigin nota.
Krakkarnir í leikskólanum Bjarkatúni á Djúpavogi fengu heldur betur óvænta heimsókn þegar einn pabbinn, Jón Ingvar Hilmarsson kom að sækja dætur sínar seinni partinn í gær.
Í tilefni af 100 ára afmæli kosningaréttar kvenna á Íslandi auglýsir stjórn verkefnisins „Ljóð á vegg“ eftir ljóðum eftir konur á öllum aldri, búsettum á Fljótsdalshéraði, til birtingar á veggjum nokkurra húsa í sveitarfélaginu.
Sprengjusveit Landhelgisgæslunnar var kölluð austur í Neskaupstað síðastliðna nótt eftir að skuttogarinn Bjartur NK120 kom með fékk tundurdufl í veiðarfæri sín og kom með til hafnar í Neskaupstað.
Nú í ár fagna landsmenn 100 ára afmæli kosningaréttar kvenna. Af því tilefni efna Landsbókasafn Íslands – Háskólabókasafn, Þjóðskjalasafn Íslands og héraðsskjalasöfnin til þjóðarátaks um söfnun á skjölum kvenna og hvetja landsmenn til að afhenda þau á skjalasöfn.
Síldarvinnslan og Heilbrigðisstofnun Austurlands hafa gert með sér samning um að öllum starfsmönnum Síldarvinnslunnar, sem náð hafa 50 ára aldri, gefist kostur á ristilspeglun þeim að kostnaðarlausu. Auk þess gefur fyrirtækið sjúkrahúsinu nýtt speglunartæki.