Í dag fór fram spennandi blakleikur í íþróttahúsinu í Neskaupstað þegar Þróttur Neskaupstað og Þróttur Reykjavík mættust að nýju, en liðin léku líka í gær. Leikur dagsins fór 3 - 1 fyrir heimaliðinu, 25 - 22, 18 - 25, 25 - 18, 28 - 26.
Á milli tíu og tuttugu ný störf tækni- og verkfræðinga munu verða til við álver Alcoa Fjarðaáls í Reyðarfirði vegna nýs samnings HRV Engineering og Alcoa. Samkvæmt samningnum mun HRV sinna víðtækri verkfræðiþjónustu og ráðgjöf fyrir álverið.
Hljómsveitirnar Sprengjuhöllin og Hjaltalín halda tvenna tónleika á Austurlandi um helgina.
Jónas A. Þ. Jónsson, áður eigandi Trésmiðju Fljótsdalshéraðs, skal greiða þrotabúi fyrirtækisins rúmar hundrað þrjátíu og fjórar milljónir króna auk dráttarvaxta. Héraðsdómur Reykjavíkur dæmdi í máli Þrotabús Trésmiðju Fljótsdalshéraðs hf. gegn Jónasi 7. nóvember síðastliðinn. Niðurstaða dómsins er að tíu greiðslur frá fyrirtækinu inn á einkareikning Jónasar séu ekki réttlætanlegar og því beri honum að endurgreiða þær til þrotabúsins.
Stjórn Hávarrs, félags ungra sjálfstæðismanna í Fjarðabyggð, segir meirihluta bæjarráðs Fjarðabyggðar senda íbúum bæjarfélagsins kaldar kveðjur með að hafa hafnað tillögu fulltrúa Sjálfstæðisflokks um lækkun launa æðstu embættismanna bæjarins.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.