Körfubolti: Öruggur sigur í fyrsta leik
Leiktíðin byrjar vel hjá körfuknattleiksliði Hattar vann tuttugu stiga sigur á Þór á Akureyri í fyrsta leik tímabilsins í gær.Liðin mættust í undanúrslitum deildarinnar á síðustu vertíð en þar hafði Höttur nauman sigur. Svo var ekki nú þar sem Höttur vann 55-72.
Hattarmenn gáfu tóninn strax í fyrsta leikhluta sem þeir unnu 9-25 en staðan í hálfleik var 25-37. Eftir þriðja leikhluta var Höttur 37-59 yfir og vann sem fyrr segir öruggan sigur.
Bandaríkjamaðurinn Toby Carberry var atkvæðamestur Hattarmanna, skoraði 28 stig og tók 10 fráköst.
Ragnar Gerald Albertsson skoraði þrettán stig og Hreinn Gunnar Birgisson tíu.
Töluverðar breytingar hafa orðið frá Hattarliðinu síðan í vor en fjórir byrjunarliðsmenn eru horfnir á braut en yngri leikmenn fylla í þeirra skarð.
