Skíðasvæðin opin á alþjóðlegum skíðadegi
Dagskrá verður í austfirsku skíðasvæðunum tveimur í Stafdal og Oddsskarði á sunnudag í tilefni af Snjó um víða veröld sem er alþjóðlegur skíðadagur.Frítt verður í brekkurnar í Oddsskarði þar sem þjálfarar Skíðafélags Fjarðabyggðar aðstoða byrjendur á skíðum og brettum við að taka sín fyrstu skref. Þá verður frítt kakó og kaffi í skíðaskálanum.
Í Stafdal verður opið frá 10-16. Frítt verður í lyftur fyrir 18 ára og yngri, skíðakennsla, skíðaleiga, leikjabraut, brettafjör, kakó og fleira.
Markmið dagsins er að er að fá börn og fjölskyldur þeirra í fjallið, til þess að njóta og upplifa þess sem fjöllin hafa upp á að bjóða. Þetta er í fjórða sinn sem dagurinn er haldinn hátíðlegur víðsvegar um heiminn, og jafnframt fjórða sinn sem að Ísland tekur þátt í viðburðinum.
