Blak helgarinnar: Lykilleikir við KA
Blaklið KA eru á leiðinni austur í Neskaupstað þar sem þau mæta Þrótti í alls þremur leikjum um helgina og ljúka þar með deildakeppni sinni. Leikirnir eru sérstaklega mikilvægir fyrir kvennaliðið sem þarf að ná stigum til að komast í úrslitakeppnina.Stelpurnar eru í fjórða sæti þremur stigum á undan Þrótti Reykjavík sem á leik til góða. Einn sigur ætti að duga til að tryggja fjórða og síðasta sætið inn í úrslitakeppnina en hann er ekki í húsi enn.
KA er hins vegar í sjötta og síðasta sæti deildarinnar og hefur ekki riðið feitum hesti frá leikjum sínum í vetur.
Fyrri leikurinn verður klukkan 18:30 í kvöld en sá seinni 16:00 á morgun.
Í karlaflokki er Þróttur í þriðja sæti með 21 stig en hefur leikið einum leik meira en Stjarnan, sem er í öðru sæti með 25 stig og KA sem er í því þriðja með 15 stig.
Þar sem þetta er síðasti deildarleikur Þróttar á liðið ekki möguleika á að ná Stjörnunni en þarf hins vegar stig til að gulltryggja þriðja sætið gagnvart KA.
Auk þess eiga strákarnir harma að hefna þar sem þeir töpuðu 3-0 fyrir KA í undanúrslitum bikarkeppninnar um síðustu helgi.
Liðin mætast 14:00 á laugardag. Leikirnir verða sýndir beint á: http://www.ustream.tv/channel/throtturnesblak
