Blak: Kvennaliðið styrkti stöðu sína á toppnum með sigri á HK: MYNDIR

Kvennalið Þróttar í blaki styrkti stöðu sína á toppi Mikasadeildarinnar með sigri á helstu keppinautum sínum í HK um helgina 3-0. Karlaliðið tapaði hins vegar sínum leik við Kópavogsveldið en liðin mættust í Neskaupstað á laugardag.

Karlaleikurinn var á undan og þar sigraði HK 1-3.  Stigahæstir Þróttara voru Valgeir Valgeirsson með 21 stig og Matthías Haraldsson með 11 stig. Alexander Stefánsson var stigahæstur hjá HK með 11 stig og fylgdu þeir Andreas Halldórsson og Brynjar Pétursson þar á eftir með 10 stig.

Stelpurnar í Þrótti stóðu sig vel og sigruðu HK 3-0. Þar var Hulda Elma Eysteinsdóttir stigahæst Þróttara með 14 stig og Lauren Laquerre með 12 stig.  Fríða Sigurðardóttir var hins vegar stigahæst HKinga með 11 stig og Elsa Sæný Valgeirsdóttir með 10 stig.