Elvar Ægisson valinn íþróttamaður Hattar

Höfundur: Gunnar Gunnarsson • Skrifað: .

hottur_ithrottamadur_0023_web.jpg
Knattspyrnumaðurinn Elvar Þór Ægisson var valinn íþróttamaður Hattar á þrettándagleði félagsins og sveitarfélagsins Fljótsdalshéraðs á sunnudagskvöld. Starfsmerki félagsins voru afhent í fyrsta sinn við sama tilefni.

Elvar spilaði með Hetti í fyrstu deild karla í sumar. Hann lék 25 leiki og var markahæstur í liðinu með tíu mörk. Elvar lék nánast alla leikina frá upphafi til enda og fékk ekki eitt gult spjald.

Þá voru starfsmerki Hattar afhent í fyrsta sinn en þau hljóta einstaklingar sem lengi hafa unnið óeigingjarnt starf í þágu félagsins. Kristján Guðþórsson hlaut starfsmerki Hattar fyrir vinnu sína í þágu knattspyrnu og Guðný Margrét Hjaltadóttir fyrir vinnu sína í þágu körfubolta og skíða.

Hver deild útnefnir einn íþróttamann en aðalstjórn félagsins velur einn úr þeim hópi. Eftirtaldir eru íþróttamenn ársins hjá deildum Hattar.

Blak : Jón Grétar Traustason
Fimleikar: Valdís Ellen Kristjánsdóttir
Frjálsíþróttir : Daði Fannar Sverrisson
Knattspyrna : Elvar Þór Ægisson
Körfubolti : Sigmar Hákonarson
Sund : Hubert Henryk Wojtas
Taekwondo : Hjálmar Elíeserson

Demo

Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.

Samfélagsmiðlar

Þessi síða notar vafrakökur (e. cookies) til þess að upplifun þín af henni sé sem best og til þess að hjálpa okkur að veita þér sem besta þjónustu.

Samþykkja Hafna