Fjarðabyggð/Höttur/Leiknir F. fær liðsstyrk
Spænski leikmaðurinn Paula Tur hefur gengið til liðs við Fjarðabyggð/Hött/Leikni F. í 2. deild kvenna í knattspyrnu.
Paula er fjölhæfur leikmaður frá Spáni sem getur leikið víða á vellinum. Hún hefur leikið á Spáni m.a. með Atlético Madrid.
Fjarðabyggð/Höttur/Leiknir F. eiga nú þrjá leiki eftir í 2. deild en liðið er í efsta sæti deildarinnar. Fyrirkomulagið í 2. deild í ár er svo að efstu fjögur lið deildarinnar fara í úrslitakeppni þar sem skorið er úr um hverjir komast upp úr deildinni.
Staða Fjarðabyggðar/Hattar/Leiknis F. er vænleg eins og er en liðið keppir mikilvægan leik gegn Knattspyrnufélaginu Hlíðarenda á laugardaginn næsta og með sigri í þeim leik ætti liðið að vera næst öruggt í úrslitakeppnina.
