Hlaupa fyrir Hollvinasamtök Sjúkrahúss Seyðisfjarðar í Reykjavíkurmaraþoninu
Tvær seyðfirskar íþróttakonur ætla að hlaupa til styrktar Hollvinasamtökum Sjúkrahúss Seyðisfjarðar í Reykjavíkurmaraþoninu sem hlaupið verður á laugardag.
Þetta eru þær Stefanía Stefásdóttir, sem valinn var íþróttamaður Seyðisfjarðar í ár og Bára Mjöll Jónsdóttir. Á vef Seyðisfjarðarkaupstaðar kemur fram að þær hafi verið duglegar að æfa.
Ekki veitir af þar sem Stefanía stefnir á að hlaupa heilt maraþon, 42 km. Bára Mjöll ætlar hins vegar 10 kílómetra.
