Mikil ánægja með Oddsskarðið á fyrsta landsmótinu á snjóbrettum – Myndir
Brettafélag Fjarðabyggðar hélt nýverið sitt fyrsta bikarmót í mótaröð Skíðasambands Íslands í Oddsskarði en mótið sóttu keppendur af öllu landinu.
„Þetta gekk rosalega vel. Við fengum frábært veður og starfsmenn skíðasvæðisins og þjálfarar gerðu frábærar brautir,“ segir Heiðar Már Antonsson, einn af skipuleggjendum mótsins sem Brettafélagið hélt.
Til leiks mættu tæplega 60 keppendur frá Akureyri, Kópavogi og Hafnarfirði auk Fjarðabyggðar. Keppt var annars vegar í brettastíl, þar sem stokkið er upp af pöllum og keppendum gefin stig fyrir hvernig stökkin takast og hversu erfið þeir eru og hins vegar brettakrossi þar sem keppnin snýst um að koma fyrstur niður.
„Gestirnir voru afar ánægðir með svæðið og hafa verið duglegir að segja frá aðstæðum þannig þetta varð frábær auglýsing fyrir svæðið.“
Keppendur renndur sér víðar en niður brautirnar. Púðursnjór var út um allt fjall og meðal annars fór hópur með þjálfurum efst í Oddsskarðið og renndi sér þaðan niður í Norðfjörð.
