„Starfið leggst vel í mig“
Ester S. Sigurðardóttir hefur verið ráðinn framkvæmdastjóri Ungmenna- og íþróttasambands Austurlands (UÍA). Hún tekur við starfinu af Hildi Bergsdóttur sem hefur gegnt því frá haustinu 2010.
Ester lauk námi í upplýsingastjórnun frá Portobello Collage á Írlandi. Hún starfaði í áratug hjá Íslenskum aðalverktökum, svo markaðsdeild Fréttablaðsins áður en hún flutti austur á Djúpavog árið. Þar þjálfaði hún hjá Umf. Neista og kenndi í grunnskólanum.
Síðustu ár hefur hún hefur aðstoðað fyrirtæki við markaðssetningu bæði hér heima og erlendis. Hún hefur verið búsett á Vopnafirði síðan 2014. Ester kemur til starfa um miðjan mars.
„Starfið leggst vel í mig, sérstaklega að takast á við jafn stórt verkefni og bíður UÍA í sumar að halda Unglingalandsmót. Ég veit að kröfurnar eru miklar en er sannfærð um að við verðum öll Austurlandi til sóma,“ segir hún.
„Ester er með fjölbreytta reynslu og þekkir bæði svæðið okkar vel og starfið. Við hlökkum til að vinna með henni að þeim verkefnum sem framundan eru,“ segir Gunnar Gunnarsson, formaður UÍA.
