Telma og Áslaug Munda í kvennalandsliðinu
Tveir leikmenn, aldir upp á Austurlandi, eru í fyrsta landsliðshópi nýs þjálfara A-landsliðs kvenna í knattspyrnu. Sá er einnig ættaður af Austurlandi.Telma er valin í landsliðið í fyrsta skipti. Hún er fædd árið 1999 og uppalin á Norðfirði og spilaði tvö tímabil með Fjarðabyggð, 2014. Fyrra tímabilið var hún útileikmaður en seinna sumarið var hún komin í markið þar sem hún spilar enn.
Á fréttamannafundi, sem haldinn var til að tilkynna valið, sagði Þorsteinn Halldórsson, landsliðsþjálfari, að hann teldi líklegt að Telma yrði einn bestu markvarða Íslands á næstu árum. Hann sagði hana hafa staðið sig vel á landsliðsæfingum í febrúar og því hefði hann talið rétt að velja hana í hópinn.
Telma er á mála hjá Breiðabliki en var síðasta sumar í láni hjá FH. Hún hefur einnig leikið með Grindavík og Haukum.
Áslaug Munda er fædd árið 2001 og hefur þegar leikið tvo A-landsleiki. Hún er alinn upp hjá Hetti á Egilsstöðum en spilaði sinn fyrsta leik með meistaraflokki hjá Völsungi árið 2016. Hún er líkt og Telma á mála hjá Breiðabliki þar sem hún hefur verið síðan árið 2018.
Landsliðið mætir Ítalíu í æfingaleik í næsta mánuði. Það verður fyrstu leikurinn undir stjórn Þorsteins. Hann á líka ættir að rekja austur, nánar til tekið í Viðfjörð og spilaði með Þrótti Neskaupstað í upphafi leikmannsferils síns.
Mynd: KSÍ
