Nýsköpunarmiðstöð opnar á Austurlandi
Nýsköpunarmiðstöð Íslands hefur opnað starfsstöð í Miðvangi 2 - 4 á Egilsstöðum sem ætlað er að efla nýsköpun og styðja við atvinnulíf allt frá Vopnafirði til Djúpavogs. Í tilefni af því verður opið hús í Kaffihúsinu á Eskifirði 29. september frá kl 12:00 - 13:30 þar sem kynnt verður starfsemi Nýsköpunarmiðstöðvar.
Dagskrá:
- Þorsteinn Ingi Sigfússon forstjóri Nýsköpunarmiðstöðvar fjallar um nýsköpun á Austurlandi.
- Berglind Hallgrímsdóttir framkvæmdastjóri Impru á Nýsköpunarmiðstöð segir frá starfseminni.
- Bjarni Ellert Ísleifsson verkefnisstjóri segir frá helstu verkefnum starfsstöðvarinnar á Austurlandi.
- Eyjólfur Pálsson í Epal segir frá áhugaverðu samstarfsverkefni.
Boðið verður upp á léttan hádegisverð.
