Þrír dagar eftir af hreindýraveiðitímabilinu
Nú eru einungis þrír dagar eftir af hreindýraveiðitímabilnu. Þessa helgi ber vel í veiði því veður er með eindæmum gott á Austurlandi og margir veiðihópar á ferð. Tekist hefur að veiða allt eða svo til allt upp í kvóta á svæðum 3 og 5, eitthvað er eftir af kúm á svæði 1-2 og meira á svæðum þegar sunnar dregur. Forvitnilegt verður að sjá hvort náðst hefur að veiða upp í kvóta ársins, 1333 dýr, þegar niðurstöður liggja fyrir um miðja viku.
-
Mynd: Veiðimaður miðar á hjörð á Fljótsdalsheiði í blíðviðri gærdagsins./SÁ
