Stefán Bragason kveður eftir 42 ára starf
Stefán Bragason lét af störfum hjá Múlaþingi um síðustu mánaðarmót eftir 42 ára starf hjá sveitarfélaginu.Þetta kemur fram á vefsíðu Múlaþings. Þar segir að mest allan tímann starfaði hann á skrifstofunni að Lyngási 12 á Egilsstöðum, sem skrifstofustjóri og bæjarritari, eða í 39 ár, en í þrjú ár starfaði Stefán sem leiðbeinandi við Brúarásskóla sem þá var í Hlíðarhreppi.
Sveitarfélögin sem Stefán hefur starfað fyrir eru orðin mörg en fyrst var það Hlíðarhreppur, síðan Egilsstaðahreppur, Egilsstaðabær, þá Austur-Hérað, Fljótsdalshérað og loks Múlaþing.
Á myndinn má sjá Stefán og Björn Ingimarsson, bæjarstjóra, búa sig undir að fá sér tertusneið þegar samstarfsfólk Stefáns kvaddi hann á síðasta vinnudegi hans.
Mynd: mulathing.is
