Gerðu athugasemd við að fá fundargerð í stað þess að fundur væri haldinn
Bæjarráð Fjarðabyggðar vísaði liðum af fundi eigna-, skipulags- og umhverfisnefndar aftur til nefndarinnar þar sem ekki var rétt boðað til fundar nefndarinnar. Formaður nefndarinnar ber við tímapressu en segir að hætt hafi verið við þegar athugasemd barst. Bæjarfulltrúar segja málinu lokið og lærdómur verði dreginn af því.
„Þau vinnubrögð sem stunduð eru í Sjómannafélaginu eru að koma í dagsljósið“
Forusta AFLs Starfsgreinafélags telur ekki rétt að hafa afskipti af deilum innan Sjómannafélags Íslands þótt hún sé gagnrýnin á þau vinnubrögð sem innan félagsins hafi verið viðhöfð, meðal annars að reynt hafi verið að grafa undan öðrum verkalýðsfélögum með undirboðum.
Rjúpnaskytta ökklabrotnaði á veiðum
Karlmaður er ökklabrotinn eftir að hafa runnið niður fjallshlíð við rjúpnaveiðar á föstudag. Lögreglan hefur haft eftirlit með skyttum sem verið hafa með allt sitt á hreinu.
Metmánuður hjá Gullveri
Togarinn Gullver á Seyðisfirði hefur aldrei landað meiri afla á einum mánuði heldur en í nýafstöðnum októbermánuði. Veiðar hafa gengið vel austur af landinu.
Farsímasamband komið á Suðurfirði
Viðgerð er lokið á bilun sem olli því að farsímasambandslaust varð frá Stöðvarfirði til Álftafjarðar í morgun.
Heildræn nálgun sem tekur á öllum þáttum heilsu
„Þetta er mikilvægt verkefni því að lífsstílssjúkdómar eru stórt vandamál og það skortir langtímaúrræði og forvarnir“ segir Hrönn Grímsdóttir, náms- og starfsráðgjafi, hjá Austurbrú, sem er að fara að taka þátt í Erasmus verkefninu „Líf og heilsa“.
Fréttaskýring: HB Grandi gaf og HB Grandi tók
Að morgni þriðjudags var boðað til starfsmannafundar hjá HB Granda á Vopnafirði. Tilefnið var að tilkynna um að til standi að hætta bolfiskvinnslu þar í núverandi mynd sem þýðir að 16-17 störf hjá félaginu leggjast af. Bolfiskvinnslunni var ætlað að minnka árstíðabundnar sveiflur í atvinnulífi staðarins.
Söluverð fasteigna að nálgast byggingarkostnað
Fasteignasali segir austfirskan fasteignamarkað, einkum á Fljótsdalshéraði, hafa verið óvenju líflegan það sem af er ári. Tvær vikur eru síðan flutt var inn í síðustu íbúðirnar í fjölbýlishúsinu að Miðvangi 6 í miðbæ Egilsstaða.
Færeyingar eiga næsta leik
Enn er ósamið um gagnkvæmar veiðar Íslendinga og Færeyinga í lögsögu hvors annars. Tíminn sem er til stefnu styttist því íslensk skip hafa sótt í færeyska lögsögu í upphafi loðnuvertíðar. Í húfi er kolmunnakvóti sem skiptir Austfirðinga töluverðu máli.
„Mér var gefin þrautseigja í vöggugjöf“
„Það var í fyrsta skipti í haust sem mér hálf féllust hendur og ég áttaði mig á því að ég var farin að velta vöngum yfir því hvort við ættum að loka þessu,“ segir Una Sigurðardóttir, sem rekur Sköpunarmiðstöðina á Stöðvarfirði ásamt manni sínum, Vincent Wood og Rósu Valtingojer. Framtíð miðstöðvarinnar er nú í hættu fáist ekki fé til þess að ráðast í gagngerar endurbætur á húsnæðinu.
