Vonir eru bundnar við að ný flugbraut á Norðfjarðarflugvelli auki mjög öryggi í heilbrigðisþjónustuá Austurlandi. Forseti bæjarstjórnar Fjarðabyggðar segir baráttuna fyrir endurbættri braut hafa verið hagsmunamál alls Austurlands.
Jón Gunnarsson, samgönguráðherra, hyggst á næstunni skipa starfshóp til að meta þá kosti sem eru í boði fyrir jarðgöng til Seyðisfjarðar. Hann segir mikilvægt að taka ákvörðun að vel ígrunduðu máli til koma í veg fyrir að framkvæmdin rati síðar í ógöngur.
Héraðsverk er byrjað á gerð nýs vegar yfir Berufjörð sem heimamenn hafa lengi beðið eftir. Aukinn kraftur færist í verkið á næstu vikum þegar Héraðsverk lýkur annarri stórframkvæmd sem fyrirtækið hefur verið með.
Sólskin og skúrir til skiptis eru kjöraðstæður fyrir grassprettu. Gott vor varð til þess að austfirskir bændur byrjuðu heyskap fyrr en undanfarin ár og fengu meira hey.
Atvinnurekandi á Breiðdalsvík segir margra tíma rafmagnsleysi koma illa niður á bæjarlífinu. Bærinn var án rafmagns í sjö tíma í gær. Varavél sem þjóna á svæðinu er suður í Öræfum. Breiðdælingar eru ósáttir við að ekki hafi verið staðið við áætlanir um úrbætur til að koma í veg fyrir langtíma rafmagnsleysi.
Slökkvilið var kallað til vegna eldhættu eftir að ökumaður sem ók á ofsahraða í gegnum Seyðisfjörð endaði för sína á húsvegg í miðbænum á miðvikudagskvöld. Enginn slasaðist í atganginum.
Formaður Veiðifélags Breiðdalsár vill að allt fiskeldi við strendur Íslands verði í lokuðum kvíum. Ekki sé hægt að halda áfram eldi nema komið verði í veg fyrir að eldislax geti blandast við villtan lax. Læra verði af biturri reynslu annarra ríkja.
Fiskeldisfyrirtækið Laxar hafa samið við Djúpavogshrepp um forgangsrétt að lóð undir fiskvinnslu við Innri-Gleðivík. Framkvæmdastjórinn segir tímasetningu og stærð bygginganna velta á hraða uppbyggingar laxeldis á Austfjörðum. Sveitarstjóri Djúpavogshrepps segir fiskeldið koma með mikilvæg störf í byggðarlagið.
Samgönguráðherra skipar á næstu dögum starfshóp sem ætlað er að fjalla um málefni innanlandsflugs með það að markmiði að gera flugið ódýrara fyrir neytendur, meðal annars hvort það verði skilgreint sem almenningssamgöngur. Hin svonefnda skoska leið verður tekin til sérstakrar umfjöllunar innan hópsins.
Víðast hvar má finna mikla berjasprettu í ár. Á Austfjörðum og Vestfjörðum má finna bestu staðina til berjatínslu, en því er að þakka þeim snjóþunga sem safnast yfir vetrartímann.
Forstjóri Samskipa segir að hafi farið verið yfir öryggisreglur á skipum félagsins eftir að Akrafellið strandaði í mynni Reyðarfjarðar fyrir tæpum þremur árum. Sofandi stýrimaður var talin vera aðalástæðan fyrir strandinu.