Oddviti Vopnafjarðarhrepps segir að rætt verði við íbúa í nágrenni fyrirhugaðs strandblakvallar áður en haldið verið áfram með framkvæmdirnar. Tækniatriði varð til þess að úrskurðarnefnd umhverfis- og auðlindamál ógilti framkvæmdina.
Von er á að fyrsta uppskeran af wasabi-plöntum, sem ræktaðar eru í gróðurhúsi Barra við Fellabæ, verði tilbúin í byrjun sumars. Um er að ræða einu ræktunina á Norðurlöndum.
Fjölmargir viðskiptavinir Fellabakarís eru óánægðir með flatbrauð fyrirtækisins sem þeir segja eiga það til að bera málningarbragð. Bakaríið heitir úrbótum og sárabótum handa þeim sem fá skemmt brauð.
Þórunn Egilsdóttir, bóndi á Hauksstöðum í Vopnafirði og þingmaður Framsóknarflokksins í Norðausturkjördæmi, er gagnrýnin á breytta skipan nýs ráðherra á samráðshópi um endurskoðun búvörusamninga.
Vegagerðin hefur boðað lokanir á austfirskum vegum frá klukkan fjögur og fram á kvöld vegna afleitrar veðurspár. Veðurfræðingur segir Austfirðinga sunnan Vopnafjarðar, sleppa betur en aðra landsmenn við hvassviðrið.
Köstin sem loðnuveiðiskipin fá þessa dagana eru með þeim stærstu sem menn muna eftir. Loðnan er sömuleiðis með fallegra móti.
Segja má að austfirsku fiskiskipin hafi látið úr höfn nánast um leið og ljóst var að sjómenn hefðu samþykkt nýjan kjarasamning. Afar skiptar skoðanir eru hins vegar um samningana meðal sjómanna. Afleðingar verkfallsins munu koma í ljós á næstu mánuðum.
Flestir starfsmenn tékkneska verktakans Metrostav eru farnir af starfssvæði Norðfjarðarganga því vinnu þeirra við þau er að mestu lokið. Hafin er vinna við vegagerð í göngunum sjálfum.
Í kvöld verður haldinn opinn umræðufundur um framtíðarmöguleika Hússtjórnarskólans á Hallormsstað, námsleiðir og ímynd hans í samfélaginu. Hvatinn að baki fundinum er að ekki sóttu nógu margir nemendur um nám þar á vorönn til að halda uppi námi.
Austfirsk fiskiðjuver eru að komast á fulla ferð eftir að verkfalli sjómanna lauk á sunnudagskvöld. Löndunarmenn hafa varla undan að þjónusta skipin sem streyma til hafnar.
Norska arkitektastofan Zis As fékk fyrstu verðlaun í hönnunarsamkeppni fyrir aðstöðu ferðamenn við Hengifoss. Sama stofa átti einnig verðlaunahönnun að aðstöðuhúsi fyrir Stórurð sem vígt var á Vatnsskarði í haust.
Verkfall sjómanna er farið að hafa veruleg áhrif á tekjur sjávarútvegssveitarfélaga. Tugi milljóna vantar í kassann hjá Vopnafjarðarhrepp og útlit er fyrir að fresta þurfi framkvæmdum.
Markmið Austurfréttar er að byggja upp vef sem tengir saman Austfirðinga, sama hvar þeir eru niðurkomnir og flytja fréttir úr þeirra samfélagi.